Живко Старделов и во новата сезона ќе биде дел од стручниот штаб на КК Кожув. 24-годишниот тренер ќе ја продолжи својата работа како помошен тренер на првиот тим, откако во изминатиот период беше дел и од стручниот штаб на македонската репрезентација до 16 години.
Покрај ангажманот со сениорскиот тим, Старделов од оваа сезона ќе има задача и да ја предводи М16 екипата на Кожув во младинската лига.
Млад, амбициозен и посветен на кошарката, Старделов продолжува да го гради своето тренерско искуство и останува дел од црвено-белото семејство.
