Продолжуваат ангажманите на македонските фудбалски судии на Медитеранските игри во Таранто, Италија, каде и денес нашите арбитри ќе бидат дел од меѓународните натпревари.
Вечерва на програмата е дуелот меѓу Италија и Алжир до 21 година, на кој главен судија ќе биде Ангелчо Ристов. Негови асистенти ќе бидат Елена Соклевска Илиевски и Тамара Цветановиќ, додека улогата на четврти судија ќе ја има Анди Кочи од Албанија.
Соклевска Илиевски и Цветановиќ се меѓународни асистент-судии, а нивниот нов ангажман е уште една потврда за довербата што ја уживаат македонските арбитри на меѓународната сцена.
Во Италија на Медитеранските игри, исто така е и асистент-судијата Александар Николоски.
За Елена Соклевска Илиевски ова е уште еден во низата меѓународни ангажмани во долгогодишната судиска кариера. Таа статусот на меѓународен судија го има уште од 2011 година, додека Тамара Цветановиќ е меѓународна судијка од 2025 година.
Со новите задачи во Таранто, македонските судии продолжуваат да ја претставуваат Македонија на големата меѓународна сцена и уште еднаш ја потврдуваат репутацијата која ја уживаат во европските рамки.
