Македонската тенисерка Лина Ѓорческа денеска ќе го има првиот настап на годинашниов УС Опен. Таа во првото коло од квалификациите ќе игра против Маи Хонтама од Јапонија. Хонтама има 26 години и моментално е рангирана на 171. место на ВТА-листата.
Ривалката на Ѓорческа најдобриот пласман во кариерата го имала на 5 август 2024 година, кога се наоѓала на 105. место на ВТА-листата.
Мечот меѓу Ѓорческа и Хонтама е втор според денешната програма на теренот број 16. Првиот натпревар на овој терен е закажан за 17:00 часот, па македонската тенисерка на теренот ќе излезе по неговото завршување.
Ѓорческа е дел од квалификацискиот турнир во Њујорк, каде што ќе се обиде да обезбеди пласман во главниот дел од последниот гренд слем турнир во сезоната.
