Четвртото коло донесе многу погодоци во Трета лига регион 6, само на еден натпревар беше доволен еден гол да го реши победникот. Кораб со минимални 1:0 славеше над Гостивар со голот на Трим Амбари со што трите бода останаа во Дебар.
Џепчишти имаше убедлива победа пред домашната публика со 5:0 откако славеше над Вардар од Брвеница. Беким Садики и Ментор Саљиу беа двојни стрелци, а еден гол постигна Енес Османи.
Дрита и Лирија ги поделија бодовите во меч со четири гола (2:2). Брендим Рушити беше двоен стрелец за домашните, а за гостите погодија Лирим Несими и Фехим Ислами.
Во меч со шест гола за конечни 3:3 делба на бодовите направија Јехона и Цетинска. Искусниот Изаир Емини беше двоен стрелец за домашните, а еден гол постигна Алмир Алији, за гостинот Лорик Љика стрелаше двапати, а еднаш Ветон Чауши.
Речица на домашен терен стигна до победа од 3:2 над Скендербег и тоа преку пресврт. Ќендрим Аљиљи во 3. минута донесе гол за 0:1, а до крајот на првото полувреме домашните преку Блертон Шабани, Мубарек Шасивари и Емран Матошо стигна до 3:1. Во вториот дел Амир Зендели погоди во 59. минута за ублажување на поразот на конечни 3:2.
Доброшти на домашен терен го доби Љуботен со сигурни 3:1 на крилата на Агон Хашими, кој ги постигна сите три гола. За гостинот единствен стрелец беше Бојан Костадиновски во 92. минута.
