Вечерва во големата сала на СЦ „Јане Сандански“ се игра дербито меѓу Вардар и Охрид во рамки на 3. коло на плеј-офот на Супер лигата.
Вардар бара поддршка од трибините од верните навивачи, а за да има полни трибини скопскиот клуб се одлучи да ги отвори вратите на својот спортски храм и влезот да биде слободен.
„Слободен влез за дербито со Охрид. Ова е повик за сите што го чувствуваат Вардар. За сите што растеле со овие бои. За сите што знаат што значи полна сала и срце на терен. Ова е борба што се добива заедно. Вардар продолжува со силно темпо во борбата за титулата, а пред нас е нов важен предизвик – дуел против Охрид.
На 2 април, со почеток од 18:30 часот, во големата сала на СЦ „Јане Сандански“, не очекува уште една дерби пресметка која може да има големо значење во завршницата од сезоната. Се гледаме во „Јане Сандански“, се вели во соопштението на Вардар.
Дербито со кое ќе се затвори 3. коло на плеј-офот започнува во 18:30 часот.
