Женската фудбалска репрезентација на Македонија до 19 години одигра два пријателски натпревари против Косово во Приштани, на едниот меч нашата репрезентација одигра 1:1, а на вториот триумфираше со 1:3.
По мечот селекторот Кирил Изов, во разговор за Спортска Мрежа истакна дека девојките и во двата натпревари одиграле максимално одговорно, исполнувајќи ги сите тактички замисли.
Селекторот Изов нагласи дека репрезентацијата е подготвена за квалификациите во ноември во Србија, каде целта ќе биде прво место во групата.
„Во рамките на планираните активности, У19 женската фудбалска репрезентација на Македонија на 10 и 12 октомври во Приштина одигра два пријателски натпревара против соодветната селекција на Косово. Резултатски може да бидеме задоволни, бидејќи на едниот натпревар ремизиравме, а на вториот победивме со резултат од 1-3. Исто така, морам да потенцирам дека и во двата натпревари девојките одиграа максимално одговорно, исполнувајќи ги сите тактички замисли и сметам дека покажаа дека максимално подготвени ќе ги пречекаме квалификациите во ноември во Србија, каде единствена цел ќе биде освојување на првото место и пласман во елитната рунда“, изјави селекторот Кирил Изов за Спортска Мрежа.
