Шерифи херој на Дрита за триумф над Гостивар, реми со шест гола на Речица и Вардар Брвеница, Градец со висока победа

Рамадан Шерифи е херојот на Дрита од Боговиње, откако славеше со минимални 1:0 над Гостивар во меч од 8. коло на Трета лига регион 6.

Шерифи погодокот го постигна во 4. минута од средбата, а до крајот шансите не ги користеа ниту домаќините, ниту гостите со што трите бодови останаа на домашен терен.

Јехона на домашен терен загуби од Градец со резултат од 0:3, а гостинот до победата стигна преку двата погодоци на Робертино Златески и голот на Ерјон Елмази.

Ако го поддржувате независното известување и промоцијата на македонскиот спорт, можете да ја поддржите нашата работа со симболична донација. Секоја поддршка ни значи и ни помага да создаваме нови спортски приказни

Речица и Вардар од Брвеница ги поделија бодовите откако одиграа атрактивен меч со шест гола за конечни 3:3.

За гостинскиот тим сите три погодоци ги постигна Ивица Костадиноски, а пак за домаќинот погодија Феми Велија и Емран Матоши во првиот дел, а во вториот дел Арѓент Рамадани погоди во 90. минута и го спаси својот тим од пораз.

Скендербег и Цетинска ги поделија бодовите откако одиграа 2:2. За домаќинот Ќендрим Аљиљи беше двоен стрелец, за гостинот Лорик Љика беше двоен стрелец.

Извештајот на Спортска Мрежа за вчерашните мечеви можете да го прочитате овде.