Тополка забележа минимална победа од 1:0 над Врановци, а стрелец на победничкиот гол во мечот од 4. коло на Општинската фудбалска лига во Велес беше Матеј Димовски, кој погоди во 75. минута од средбата.
Форца Нова славеше минимална домашна победа од 1:0 над Согле, а херој за домашниот тим беше Антонио Јорданов, кој погоди во 18. минута од средбата.
Раштани Спорт со 0:2 го доби Младост откако во првиот дел мрежите беа чисти, во второто полувреме двата гола ги постигна Даниел Трајковски.
Горски на домашен терен го декласираше некогашниот второлигаш Локомотива од Градско со 3:0. По само 15 минути игра Иванче Давитков постигна два гола за предност од два гола на полувреме.
Во вториот дел од мечот Аријан Колашинац погоди во 57. минута за конечни 3:0.
Единствениот меч кој заврши без победник беше тој меѓу Плавник и Бузалкова, откако двете екипи одиграа 1:1.
Домашниот тим во 39. минута преку голот на Кадри Куртишов дојде до предност, а во самиот финиш од мечот гостинот со голот на Меда Сулејмани во 85. минута се спаси од пораз и освои бод.
По четири кола на првото место е Раштани Спорт со десет бода, Горски е втор со осум бода, а пак со по седум бода третото место го делат Локомотива и Форца Нова.
Тополка е на петтото место со шест бодови, Плавник е шести со пет бода, а пак со по четири бодови Бузалкова и Врановци го делат седмото место, Согле е претпоследен со два бода, а дното е Младост без бодови.
