По единаесет рунди во Првата македонска фудбалска лига и натаму Шкендија го држи врвот од табелата, но сега вицешампионот има само еден бод повеќе од Струга Трим Лум која е втора.
Шампионот Вардар останува на третото место со 21 бод, а најблиску до водечката тројка е Тиквеш кој е четврти со 20 бодови.
Силекс влезе во победнички ритам и го има петтото место со 16 бодови на своето конто, а пак Шкендија Арачиново која е во резултатска криза е шесто со 14 бодови на своето конто.
Брегалница го задржа седмото место со 13 бодови, а пак Арсими е во бараж зоната како осми со десет бодови. Во опасната зона е Башкими како претпоследен тим со седум бодови, на дното е Скопје со три бодови.
Шкендија и Струга Трим Лум имаат најмногу победи – по седум, најмногу порази имаат Башкими и Скопје – по осум. Најмалку порази имаат Шкендија и Тиквеш – по еден, а пак Скопје е единствениот тим без триумф по 11 кола.
Најдобар напад има Струга Трим Лум која има 26 постигнати гола, а тимот ја има и најдобрата одбрана со примени седум гола.
Најлош напад има Скопје само пет постигнати голови, најлоша одбрана има Башкими со примени 32 гола.
