Крошу Спорт на крилат на Александар Ѓорѓиевски го доби Чардак Велгошти на гостински терен со минимални 0:1 во меч од 7. коло на Трета лига регион 5.
Могила стигна до гостинска победа над Демир Хисар со резултат од 1:2 по чистите мрежи во првиот дел. Андреј Ристевски во 55. минута погоди за 0:1, а пет минути подоцна Јовица Китановски погоди за 1:1.
Во 82. минута Дарио Брендовски постигна гол со кој гостинскиот тим славеше победа и три бода.
Влазерими со 3:2 славеше над Кравари со што трите бодови останаа во Кичево, во натпревар каде домаќинот со двата гола на Арѓент Зибери имаше два гола предност на полувреме.
Во вториот дел Стефан Каревски со два гола обезбеди 2:2, но во 88. минута Лабинот Елези погоди за конечни 3:2.
Света Троица од Охрид триумфираше над Напредок во Кичево со резултат од 1:2. Боге Бимболовски погоди во 44. минута за 0:1 на полувреме. Во вториот дел Никола Угриноски постигна гол за 0:2 во 80. минута, а девет минути подоцна Јован Никодиноски ги постави конечните 1:2.
Преспа конечно стигна до првата сезонска победа откако со 3:2 славеше над струшки Караорман со што трите бодови остана во Ресен.
Нико Пластиновски беше двоен стрелец за домаќинот, а пак во 86. минута Александар Поповски беше стрелец за Преспа. За гостинскиот тим гол постигна Ангел Крстески, а пак Оливер Колоски си постигна автогол.
Баир Спорт слави домашна победа од 3:2 над Влазними од Струга преку пресврт. Гостинот преку Елидон Рочи дојде прв до водство, а Игор Талевски погоди за 1:1.
Во вториот дел Константин Ласковски донесе предност за домаќинот од 2:1, а Денис Шадов во 83. минута израмни. Сепак, во 89. минута Ерџан Фејзуловски ги расплака гостите со гол за победа од 3:2.
