Неверојатна драма донесе натпреварот во Македонска Каменица меѓу Сокол Саса и Јехона, каде дебитантот беше најблиску како никогаш до сега за први бодови, но ја загуби драмата и го впиша седмиот пораз од толку натпревари во Првата ракометна лига, откако загуби од Јехона со 38:39.
Мечот започна со игра гол за гол, а гостинот потоа имаше серија за 6:10 кога ги имаше првите плус четири, како и на 8:12, таквата игра со водство од неколку погодоци Јехона ја имаше до 28. минута кога Атанасовски и Стоилоски погодија за водство на Сокол Сасал од 18:17.
На полувреме резултатот беше 18:18 и тоа веруваше повеќе од неизвесно полувреме.
Во второто полувреме Сокол Саса имаше плус два при 20:18 и 21:19, а таквата игра ја држеше домашната екипа 42. минута кога гостинот направи израмнување на 26:26. Следуваше пресврт во играта и водство на Јехона од 26:28 откако Груевски и Тасески беа стрелци на двата гола.
На крајот драмата во Македонска Каменица ја доби екипата од Гостивар со 38:39.
Кај домашниот тим се истакнаа Павле Стоиловски и Мирче Ѓеоргиев со по осум гола, кај гостинот Адис Салиу беше најдобар со 11 гола.
Преспа стигна до втората сезонска победа славејќи со 29:28 над Илинден на домашен терен со што гостинската екипа впиша четврти пораз.
Натпреварот беше егал со игра гол за гол без поголема предност и за двете екипи во текот на целиот меч.
Томче Трајчевски беше најдобар стрелец кај Преспа со осум гола, а го следеше Благоја Јончевски со шест гола. Кај Илинден со девет реализации прв беше Антонио Накоски, а пак Петар Цветковски имаше осум гола.
