Ланскиот второлигаш Големо Коњари со високи 3:0 го доби Превалец на домашен терен во меч од 7. коло на Трета лига регион 4 кое беше отворено вчера.
Ерџан Ибраимоски обезбеди 1:0 на полувреме, а во вториот дел Беким Алимоски ја потврди победа со два гола.
Борец „не знаеше за стоп“ и со 10:0 го декласираше тимот на Влазними Јуниор на домашен терен. Пеце Стојанов постигна три гола, двојни стрелци беа Милан Чичевски и Марио Наумовски, по еден гол постигнаа Јован Димитров и Џемал Ибрахимовиќ, а пак Гнетијан Демири си постигна автогол.
Ултрас на домашен терен забележа триумф од 2:0 над некогашниот второлигаш Росоман. Стефан Костовски си постигна автогол во 27. минута со што домаќинот имаше гол предност по првите 45 минути.
Во второто полувреме Бобан Тошески стави печат на победата со гол во 92. минута.
Трите бодови останаа во Крушево, откако Питу Гули со убедливи 4:0 го доби Башкими од Јаболчиште, со одлично второ полувреме.
По првите 45 минути домаќинот имаше водство од 1:0 со голот на Јованчо Бубаќоски. Во вториот дел со два брзи гола беше решен победникот.
Антонио Димоски во 55. минута погоди за двојна предност, а во 68. минута Ѓорѓи Стрезовски најави дека трите бодови дефинитивно остануваат дома.
Во 83. минута Даниел Нечовски стави печат на победата од 4:0.
Извештајот на Спортска Мрежа од вчерашните натпревари е достапен овде.
