Спортската сала „Млаз“ во Богданци по влезот на Младост во Супер лигата доби комплетно нов лик. Соблекувалните за домаќините и гостите се комплетно уредени, со нови шкафчиња, комплетно уредени тушеви, wc и сите потребни елементи за да можат истите да понудат максимално одлични услови за ракометарите.
Вратен е во функција официјалниот влез за публиката, службен влез (број еден) за новинари и службен влез (број два) за ракометари и службени лица.
Во тек е процес на уредување на дворот на салата, а поставена е и табла како обележје за спортската сала „Млаз“ во Богданци, со што и надворешниот дел од салата ќе изгледа совршено место.
Повторно се враќа стариот сјај на ракометот во Богданци како во добрите златни времиња кога Младост играше и во Европа.
