Утре на Градскиот стадион во Неготино ќе се одигра уште еден меч од првата фаза на Купот на Македонија односно 1/16 финалето меѓу третолигашот Крошу Спорт од Битола и прволигашот Тиквеш од Кавадарци, кој ќе биде повеќе од апсолутен фаворит за следната фаза.
Натпреварот ќе започне во 14 часот, а правдата на истиот ќе ја дели Пларент Салихи, а негови помошници ќе бидат Идриз Идризи и Илчо Пауноски, а пак Бардхиљ Ибраими ќе биде четврти судија.
Делегат на средбата ќе биде Ивица Тасевски, а пак Никола Караколев ќе биде контролор.
Од првата фаза покрај овој меч ќе остане уште еден за комплетирање на првата фаза, на 14 октомври Вардар Неготино ќе игра со Работнички.
Досега пласман во осминафиналето обезбедија Струга Трим Лум, Пелистер, Македонија ЃП, Брера Струмица, Вардар, Башкими, Каменица Саса, Брегалница, Шкендија Арачиново, Новаци, Беласица и Арсими.
Утре и на 14 октомври ќе се добијат последните два патника, а Силекс има директен билет во осминафиналето како лански освојувач на Купот на Македонија.
