Прва женска фудбалска лигаФудбал

Талевска: Не сме оптоварени дали сме хит, чекор по чекор да собираме бодови и да продолжиме да ја градиме позитивната серија

Сподели
Сподели

Пелистер дефинитивно е најпријатното изненадување во Првата женска фудбалска лига, тимот од Битола кој е нов член во елитата по осум кола има 17 бодови и се наоѓа на високото трето место.

По високиот пораз во првото коло од Тиверија Брера во Струмица од 7:0, Пелистер е сосема „друга“ екипа на терен со пет победи во низа, со кои се искачи во горниот дел од табелата, а во низа има и две ремија со конкурентите за титулата, Каменица Саса и шампионот Скопје.

По осум кола во ПЖФЛ, разговаравме со Мила Талевска, една од поискусните фудбалерки во Пелистер, но и во македонскиот фудбал, која се согласува дека дефинитивно Пелистер е едно од пријатните изненадувања во шампионатот.

„Мислам дека со резултатите кои ги постигнавме досега, дефинитивно можеме да кажеме дека сме едно од пријатните изненадувања во шампионатот. Но, најважно е што зад овие резултати стои многу работа, дисциплина и одлична атмосфера во екипата. Не би сакала да се оптоваруваме со тоа дали сме хит, туку да продолжиме да работиме и да покажуваме на теренот“, вели Талевска за Спортска Мрежа.

Атмосферата е одлична и тоа е една од најголемите сили на Пелистер, според Талевска, кој со гол обезбеди бод во дуелот со Скопје во Пржино.

„Атмосферата во тимот е навистина топ. Мислам дека токму тоа е една од нашите најголеми сили. По почетниот пораз покажавме карактер и успеавме да направиме одлична серија, а двете ремија дополнително покажаа дека можеме да се носиме со различни противници. Сите сме мотивирани, се поддржуваме меѓусебно и мислам дека тоа се гледа и на терен“, дополнува Талевска.

Талевска зборуваше и за следниот предизвик на Пелистер, во рамките на 9. коло на домашен терен против лидерот Љуботен.

„Ние во секој натпревар влегуваме со желба да победиме, без разлика кој е противникот. Љуботен е лидер и заслужено е на врвот, но ние играме дома и верувам дека можеме да одиграме уште еден добар натпревар. Дали ќе се вклучиме во трката за титулата, мислам дека е рано да зборуваме. Сезоната е долга, има уште многу натпревари, па најважно е да одиме чекор по чекор и да собираме бодови и да продолжиме да ја градиме оваа позитивна серија“, раскажува искусната фудбалерка.



Талевска зборуваше и на личен план, вели дека е задоволна од досега прикажаното, вели како најискусна во тимот, чувствува одговорност да биде пример и да помага кога е најпотребно.

„Задоволна сум од досега прикажаното, но уште повеќе ме радува тоа што целиот тим игра добро и функционираме како една целина. Како најискусна во екипата, чувствувам одговорност да бидам пример и да помогнам кога е најпотребно. Лично, сакам да продолжам во овој ритам и со моето искуство и игра да придонесувам за уште повеќе бодови и добри резултати за Пелистер“, заклучува Талевска.

Пелистер по осум кола е на третото место, а во деветтата рунда пред битолскиот прволигаш е соочувањето со лидерот Љуботен.



Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Кошарка

МЗТ три од три дома, Работнички три од три на гости пред вечното дерби

МЗТ Скопје Аеродром и Работнички влегуваат во дербито од седмото коло со по една серија што ќе биде прекината. Шампионот ги доби сите...

ФудбалФутсал

Две непоразени екипи во Втората футсал лига, две екипи без бодови

По четири одиграни кола во Втората футсал, две екипи немаат пораз, а две екипи немаат бодови. Каршиака и Црна Река не знаат за...

Поврзани написи
ФудбалФутсал

Две непоразени екипи во Втората футсал лига, две екипи без бодови

По четири одиграни кола во Втората футсал, две екипи немаат пораз, а...

Втора лигаФудбал

АНАЛИЗА: Охрид има најдобар напад, Пелистер најцврста одбрана, а Работнички го притиска врвот

Детална анализа на Втората македонска фудбалска лига по 11. коло Охрид Лихнидос...

ФудбалЧетврта лига

ВИДЕО: Горски преку Китановски и Колашинац до три бода, домашни победи за Младост и Раштани Спорт

Три домашни и една гостинска победа донесе 6. коло на Општинската фудбалска...

ФудбалФутсал

(ФОТО) Ниту „Д“ од дерби во Кавадарци: Црна Река го декласираше Балкан со 14 гола!

Наместо дерби во „Јасмин“ тотална доминација на Црна Река, откако со 14:4...

✕
error: Содржина е заштитена! Се забранува копирање на истата!