Македонската ракометна репрезентација во ноември ќе го започне патот кон Европското првенство 2028, пред настапот на Светското првенство. Во рамките на првата квалификациска фаза, избраниците на Македонија ќе одиграат два натпревари.
Првиот предизвик ќе биде на домашен терен, каде што на 4 ноември во салата „Борис Трајковски“ во Скопје ќе гостува Луксембург. Само четири дена подоцна, на 8 ноември, следува и гостувањето кај Грција. Натпреварот ќе се игра во Халкида со почеток од 16:00 часот.
Македонија е во група со Шведска, Грција и Луксембург, а по двата ноемвриски дуели следува пауза поради настапот на Мундијалот. Квалификацискиот циклус продолжува во март, кога ќе бидат одиграни двата натпревари против Шведска.
Последните две средби од квалификациите се предвидени за мај. Македонија прво ќе гостува во Луксембург, а потоа на домашен терен ќе ја пречека Грција во последното коло.
Европското првенство во 2028 година ќе се одржи во Шпанија, Португалија и Швајцарија.
