Ракомет

Еурофарм Пелистер се рехабилитира со убедлива победа кај Бутел

Сподели
ФОТО: РК Еурофарм Пелистер
Сподели

Еурофарм Пелистер вчера стигна до сигурна победа во Супер машката лига, откако на гостувањето кај Бутел Скопје славеше со 34-21 во натпреварот од 5. коло.

Поразот од Ла Риоха во ЕХФ Европската лига беше оставен зад нив со убедливо издание во домашното првенство, а капитенот Филип Кузмановски повторно беше еден од најзаслужните за триумфот. Репрезентативецот постигна девет гола од десет удари, а запиша и осум асистенции. Во дресот на битолчани дебитираше и новото засилување Саду Нтанзи, кој натпреварот го заврши со три погодоци и една асистенција.

Бутел Скопје долго време беше рамноправен противник и успеваше да го следи ритамот на фаворитот. По 15 минути игра резултатот беше 5-5, но потоа Еурофарм Пелистер постепено ја презеде контролата и до полувремето стигна до 14-10. Домашниот состав, сепак, не дозволи целосно да биде скршен и со головите на Давид Јаневски и Николоски ја намали разликата на 14-12 пред паузата.

Во вториот дел битолчани брзо ја вратија контролата над резултатот. Видомски, Нтанзи и Атанасијевиќ погодија за 17-12 и најавија мирна завршница за гостите. Предноста на Еурофарм Пелистер во продолжението постојано беше најмалку пет гола, па тимот без поголеми проблеми ги одработи последните минути и ги освои бодовите.

Кај Бутел Скопје, Дејан Михајловиќ беше најефикасен со пет гола, додека Давид Јаневски постигна четири. Митревски имаше добра партија меѓу стативите, а Хеидарирад одбрани и два удари од седум метри.

Во следното коло Еурофарм Пелистер ќе го пречека Куманово, додека Бутел Скопје повторно ќе биде домаќин, овојпат на екипата на Прилеп.

Сподели
Напишано од
Сања Секулоска -

Сања Секулоска е спортска новинарка во Спортска Мрежа. Секулоска по професија е магистер на економски науки, која започнува од хоби кон новинарството конкретно во ракометот. Секулоска го следи и европскиот ракомет.

Не пропуштајте

Трета лигаФудбал

Влазерими го чува врвот совладувајќи ја убедливо Преспа, Кравари со седумка, осум гола во Демир Хисар

Влазерими со победа од 3:0 над Преспа ја задржа предноста од пет бода на врвот во Третата лига – Регион 5. Кравари го...

Трета лигаФудбал

Млекар се израдува на три бода, Борец со седум гола, Вардар со пресврт до 4:3, Питу Гули славеше со шестка

Борец го совлада Превалец со 7:2 во велешкиот дуел од 11. коло во Третата лига – Регион 4. Вардар Неготино со пресврт славеше...

Поврзани написи
Ракомет

Паунков: Победата над Струга ќе ни биде ветер во грб, нашата цел е сигурен опстанок

Синоќешната победа на Младост над Струга е силен ветер во грб за...

Ракомет

Лукиќ: Конечно ја пробивме таа психолошка бариера, победата ќе биде ветер во грб и за останатите натпревари

Младост конечно ја израдува верната публика откако во салата „Млаз“ ја доби...

Ракомет

Андоновски: Конечно успеавме да стигнеме до таа толку посакувана победа, како што бевме и ќе останеме сложни

Младост стигна до својата прва сезонска победа, откако на домашен терен славеше...

Ракомет

Зечевиќ: Покажавме карактер и стигнавме до плус 11 пред реваншот!

ГРК Охрид ја отвори вратата кон следната фаза од ЕХФ Европскиот Куп...

✕
error: Содржина е заштитена! Се забранува копирање на истата!