Ланскиот второлигаш забележа висока победа на пријателскиот натпревар против Дојранско Езеро со резултат од 1:4. Во контролката која се играше покрај најмалото природно езеро во Македонија, тимот од малото рударско гратче на полувреме имаше предност од 1:2.
Христијан Крстов двапати ја погоди мрежата на противникот, искуснито Драган Паунов и Филип Спенџарски постигнаа по еден гол за конечни 1:4 во Дојран.
Каменица Саса минатата сезона испадна од Втората лига и сега цели кон експресно враќање во Втора лига, а во Трета лига регион 3 ќе биде главен фаворит со Овче Поле за челната позиција која води кон баражот за влез во Втора лига.
Претходно, Спортска Мрежа ексклузивно ги објави новите засилување на тимот од Македонска Каменица.
