Убедлива победа забележа Куманово совладувајќи го тимот на Академија Осогово од Крива Паланка со убедливи 4:0 во натпревар од четвртата рунда на Трета лига регион 2.
По чистите мрежи во првиот дел, во второто полувреме Екрем Мемеди го отвори резултат во 60. минута, а десет минути подоцна Никола Стевчевски погоди за 2:0.
Во самиот финиш од мечот беа постигнати два брзи гола, откако Леонид Стојановски во 85. минута и Амар Имери во 89. минута ги поставија конечните 4:0.
Убедлива домашна победа имаше и Пчиња, на домашен терен го декласираше Влазними од Оризари со 6:0. Двојни стрелци во високата победа беа Михаил Цветковски и Никола Ѓорѓиевски, а по еден го постигнаа Бобан Стојановски и Христијан Стојчевски.
Липково ги освои трите бодови во Старо Нагоричане, откако со 0:2 го доби Козјак. Раиф Меметовиќ во 14. минута погоди за 0:1 на полувреме, а во вториот дел Сами Џемаили во 83. минута ги потврди конечни 0:2.
Извештајот на Спортска Мрежа за вчерашните натпреварите, можете да го прочитате овде.
