Ракометарите на Охрид ја потврдија доминацијата на домашниот меморијален турнир „Крсте Андоновски“, откако во големото финале го совладаа Вардар со 29-27 и по вторпат во низа го освоија престижниот трофеј.
„Гладијаторите“ одиграа зрело финале и уште еднаш покажаа карактер во дуелите со актуелниот македонски шампион. По израмнетиот почеток, охриѓани постепено ја презедоа контролата и на полувремето заминаа со предност од 12-10.
Во вториот дел Охрид успеа да ја зголеми разликата до четири гола, со што го стави Вардар во позиција постојано да брка резултат. „Црвено-црните“ не се предадоа и во завршницата успеаја да се доближат на само два гола, но домаќинот не дозволи целосен пресврт и сигурно го приведе натпреварот до крај.
За најдобар играч на финалето беше избран Доминик Мате, едно од новите засилувања на Охрид. Кај победничкиот состав Кеита и Ќосевски постигнаа по три гола, додека Тасески беше стрелец на два. За Вардар по трипати погодија Воркапиќ и Анастасовски.
Ова е уште една значајна победа за Охрид во пресрет на новата сезона. Интересно е што двете екипи во краток период двапати се сретнаа во финале, а во двата наврати славеше охриѓанскиот состав. Следната пресметка ќе биде од официјален карактер – Охрид и Вардар повторно ќе се соочат за трофеј, овојпат во Суперкупот на Македонија, кој ќе се одигра на 19:00 часот во салата „26 Април“ во Гевгелија.
Загреб заврши на второто место откако славеше над Тримо Тремње по изведување на пенали, откако беше 24:24 во регуларниот дел, а конечниот исход неше 29:27.
Во рамките на завршниот ден на турнирот, Војводина го освои петтото место, откако со 33-30 го совлада Нексе, кој заврши како шестопласиран.
На седмата позиција се пласираше Египет У20, кој во дуелот за пласман го совлада Олимпијакос со 36-33.
