Кошаркарскиот клуб Соколи и капитенот Никола Караколев ја продолжија соработката и за сезона 2026/2027. Амбициозниот проект од Штип продолжува да се надоградува за новата сезона.
Караколев ветува дека екипата ќе се бори за секоја топка, секој поен и секоја победа до самиот крај.
„Капитенот и неговите соиграчи ја очекуваат и поддршката од трибините, затоа што најверната публика отсекогаш била и ќе остане нашиот незаменлив шести играч“, велат од клубот.
Низ кариерата Караколев настапуваше за МЗТ Скопје, Работнички, Торус, Гоце Делчев, Лирија, Шкупи, Куманово, Кожув и Еуро Никел, тој е поранешен репрезентативец на Македонија.
