Мохамед Атум од Јордан, тренер од мрежата на Меѓународната пинг-понг федерација (ITTF), заедно со селекторот на македонската репрезентација, Миленковиќ, беа во посета на ППК Берово, како најава за претстојниот тренинг камп во Пехчево.
Од 6 до 13 октомври, Пехчево ќе биде домаќин на тренинг камп на кој Атум ќе работи со 18 млади пинг-понгари од македонските клубови. Кампот ќе претставува одлична можност за младите таленти да стекнат нови знаења и искуства, но и да работат со тренер со меѓународно искуство.
За младите македонски пинг-понгари следуваат интензивни тренинзи, нови предизвици и можност за унапредување на своите технички и тактички вештини.
Овој камп е уште еден чекор во развојот на младите категории и продолжение на меѓународната соработка на Македонската пинг-понг федерација, со цел создавање подобри услови и можности за напредок на најмладите македонски пинг-понгари.
Пред нив е напорна, но исклучително значајна недела, исполнета со тренинг, дружење и нови искуства кои долго ќе ги паметат.
