Синоќа беа одиграни четири натпревари на Меморијалниот турнир „Алмир Ибески Алмо 2026“ со прилепско Дебреште, каде публиката уживаше во одлични натпревари на кои имаше одново голем број на погодоци.
Екипата на Поликлиника Др. Спаско ја отвори вечерта со триумф над Дунаф Голд од 2:0, а веднаш потоа одигра уште еден меч, но овој пат „докторите“ загубија со тесни 3:4 од составот на Пикси Бојс.
Следуваше трет меч на кој пукна „петарда“ откако екипата на BHS Груп Саждево од Крушево со високи 5:0 го декласираше тимот на Еко Бау Житоше.
Следуваше нова доминација на BHS Груп Саждево од Крушево, откако овој пат забележа „лото“ победа декласирајќи го тимот на Житоше со неверојатни 7:0.
Вечерва на програмата ќе бидат четири натпревари, а вечерта се отвара со мечот од 19:30 часот меѓу екипите на Десово Градба и Теута Сталоне Саждево. Половина час подоцна Десово Градба ќе одигра уште еден меч овој пат на мегдан оди против Банана Кик.
Во 20:30 часот се игра натпреварот меѓу Лисичани и Дунаф Голд, а пак од 21 часот е натпреварот меѓу екипите на Црнилиште и Непобедливи Пикси.
Спортска Мрежа и годинава е медиумски покровител на овој спортски настан, кој се организира во чест на Алмир Ибески – Алмо, Меморијален турнир кој важи за одлично организиран со голем број на пријавени екипи и силна конкуренција.
