Второлигашот Охрид на 15. јануари ќе ги започне подготовките за пролетниот дел од сезоната, без амбиции за влез во Прва лига.
Како што информираше Спортска Мрежа, Охрид се раздели со најдобриот стрелец, Сашо Дуков, кој постигна шест гола за охриѓани и доаѓа чудно разделбата со нивниот најдобар стрелец, а се работи за искусен играч, кој лани беше најдобар стрелец во Македонска Каменица и буквално ја спаси од испаѓање во Трета лига.
Покрај Дуков, од клубот замина и Филип Димоски кој е нов играч на Детонит Плачковица од Радовиш, а замина и Димитриј Попоски, кој ќе го носи дресот на Брегалница.
Клубот се одлучи да се раздели со сите „странци“ и да настапува со играчи од сопствениот погон, за што пишува и локалниот медиум Охрид Спорт, со што се потврдува тоа за кое зборувавме изминатите денови.
Според тоа што го пишува Иван Арсеноски во Охрид Спорт, ваквиот потег да се игра со сопствени играчи е да не се трошат непотребни средства за играчи од страна.
Според Охрид Спорт, клубот е на здрави основи, а се очекува за кратко време да се извести охридската спортска јавност за следни чекори кои ќе следат со клубот, но во секој случај станува збор за позитивни вести, а тоа е дека од следната сезона Охрид сериозно ќе се вклучи во борбата за влез во Прва лига.
