Искусниот Сашо Дуков и Охрид се разделија, 30-годишниот фудбалер кариерата ќе ја продолжи во нова средина, дознава Спортска Мрежа.
Дуков одигра една полусезона за Охрид, и тој е најдобиот стрелец за охриѓани со шест гола и доаѓа чудно што клубот одлучува да се раздели со нивниот најдобар стрелец кој постигна шест гола.
Дуков во Охрид приситигна од редовите на Каменица Саса, каде исто така беше најдобар стрелец и практично ги спаси „рударите“ од испаѓање, а низ својата кариера има настапувано и за Силекс, Пелистер, Росоман, Вардар Неготино, Тиквеш, кичевски Напредок, а настапуваше и во Србија за тимот на Београд.
За Дуков веќе има интерес и неколку клубови уште денес започнува трка за обезбедување на неговиот потпис.
Охрид есенскиот дел го заврши на делба на шесттото место со Саса со по 24 бодови, а пролетниот дел го отвара дома против лидерот Македонија ЃП.
