Штипска Брегалница продолжува со засилувањето на тимот за пролетниот дел од сезоната во Втората лига. Второто зимско засилување е 22-годишниот Димитриј Попоски, кој доаѓа од редовите на Охрид. Попоски, кој ги покрива позициите бек и крило, а ќе има посебна мотивација, бидејќи ќе игра заедно со својот брат Стојан, кој веќе е член на Брегалница.
Димитриј, во има настапувано за младинските погони на Вардар, а потоа играше за Работнички, Борец, Тетекс, Силекс и, последно, за Охрид. Сега, заедно со брат му, ќе се обидат да ја реализират целта на Брегалница за враќање во Првата лига.
Брегалница веќе го потпиша Стефан Бабунски од Детонит Плачковица, а есенскиот дел тимот на Трајче Сенев го заврши на второто место на табелата.
Првиот пролетен меч за Брегалница е против Победа во Прилеп, што ќе биде дуел на два поранешни прволигаши.
