Есенскиот шампион во Втората лига, Македонија ЃП, го претстави своето ново засилување за пролетниот дел од сезоната. Станува збор за Ѓорѓи Дошев, кој доаѓа од Вардар, од каде и ја започна својата кариера.
Фудбалерот роден 2005 година настапуваше за У-18 репрезентацијата на Македонија, а игра во средниот ред.
Дошев во есенскиот дел забележа седум настапи за Вардар во Првата лига, а на теренот помина вкупно 352 минути. Во својата кариера тој има 23 настапи во Првата лига во „црвено-црниот дрес“, а притоа постигна еден гол.
Македонија ЃП есенскиот дел го отвара против Охрид на „Билјанини Извори“.
