По спогодбената разделба меѓу шефот на стручниот штаб Горан Здравков и второлигашот Детонит Плачковица, за што Спортска Мрежа прва објави во Радовиш има уште една спогодбена разделба меѓу клубот и тренерот на голмани Дарко Денков.
Самиот Денков ја потврди спогодбената разделба, притоа се заблагодари за досегашната соработка и на клубот му посака успех во иднина.
„Од денес повеќе не сум дел од стручниот штаб на ФК Детонит Плачковица, каде што ја извршував функцијата тренер на голманите. Со клубот се разделуваме спогодбено, со меѓусебно почитување и благодарност за досегашната соработка. Упатувам искрена благодарност до стручниот штаб, управата, играчите и навивачите на клубот за довербата, поддршката и заедничките моменти. На ФК Детонит Плачковица му посакувам многу успеси и среќа во понатамошната работа“, вели Денков.
Како што ексклузивно објави пред сите Спортска Мрежа, Драги Коцев ќе го води Детонит Плачковица, кој досега беше помошник на Здравков.
