Голманот Иван Николоски се враќа во охридскиот прволигаш Воска Спорт, тоа што го најави Спортска Мрежа пред десеттина дена се остварува. 22-годишниот голман ги започна подготовки со Воска Спорт и веќе тренира со клубот, а во следните денови ќе следува и негова официјална промоција во дресот на Воска Спорт.
Николоски дресот на Воска Спорт го носеше во период од август 2022 до јануари 2023 година, а низ својата кариера има настапувано и за Победа, Брегалница, Работнички, Дрита од Боговиње, Велазерими, Беласица, Силекс, Каменица Саса и последно албански Поградец, каде настапуваше изминатата полусезона.
Воска Спорт вчера ги започна подготовките за пролетниот дел, во следните денови ќе следуваат уште неколку засилувања, а главната фаза ќе се одработи во Анталија, Турција, каде ќе се одиграат и неколку пријателски натпревари за темпирање на формата за пролетнито дел, во кој Воска Спорт ќе води борба за опстанок.
