Поранешниот прволигаш Црна Река пред домашната публика со 8:3 го декласираше Фудбал Старс во меч со кој се затвори второто коло на Втората футсал лига на Македонија.
Гостинот беше без сили да парира на далеку подобриот противник кој тоа го потврди со високата победа.
Стојан Петковски со четири погодоци го реши мечот против гостинот од Кочани, а по еден гол постигнаа Никола Димов, Димитар Чоков, Теодор Видиков и Тони Гаце. За гостинскиот тим стрелци беа Ѓорги Зашев, Дејвид Иванов и Давид Тренчев.
За тимот на Црна Река ова беше прв натпревар во новата сезона 2026/2027, бидејќи во првото коло тимот од Кавадарци беше слободен.
