Тежок пораз доживеа вицешампионот Кеги Моби на гостување кај Шкупи од 2. коло на Првата футсал лига, откако велешани загубија со 8:1.
Абдил Кадир Јахја постигна хет-трик, двојни стрелци беа Еркан Сефери и Сами Аљиљи, а пак еден гол беше дело на Зекир Зејнели.
За гостинот од Велес единствен стрелец беше Адил Адиловиќ кој погоди во 28. минута.
Железарец и Осогово од Крива Паланка ремизираа (1:1) и ги поделија бодовите. Гостинот прво го отвори резултатот преку Никола Стојмировски во 15. минута од средбата, а пак Андреј Дончевски во 17. минута погоди за 1:1, а тоа се покажа и конечен резултат.
Колото се затвара со утрешните две средби каде Бутел ќе игра со Клими, а пак Јувентус Серава со Форца.
Колото се отвори во петокот со победата на шампионот Проект над СЕЕ Университи, извештајот на Спортска Мрежа од тој меч е достапен овде.
