Билјанини Извори ја продолжува победничката форма откако на домашен терен со 8:2 славеше над Победа од Валандово во рамки на 4. коло на Втората женска фудбалска лига.
Викторија Стојаноска постигна хет-трик за Билјанини Извори, двојни стрелци бе Александар Алексиеска и Ивана Николоска, а еден гол беше дело на Стефанија Ристова.
За „калинкарките“ во првиот дел погоди Делфина Јованова, а во вториот дел гол постигна Ива Бајлозова во 85. минута.
Во Радовиш немаше победник на дуелот меѓу Плачковица и Топ Грлс од Охрид, двете екипи одигра 2:2. Гостинот по осум игра преку Благица Ристеска го отвори резултатот, а во 29. минута Тамара Кириленкова погоди за 1:1.
Во вториот дел Ристеска со втор гол обезбеди нова предност за гостинскиот тим од Охрид откако погоди за 1:2 во 72. минута, а во 83. минута радовишкиот тим преку гол на Розета Ташкова обезбеди конечни 2:2 и делба на бодовите.
Менада на домашен терен загуби од Топ Гол со резултат од 1:3, а ланскиот прволигаш од Битола преку пресврт стигна до овој триумф.
Ева Андова го отвори резултатот во 43. минута за водство од 1:0 на полувреме. Во вториот дел Тамара Давчева во 61. минута израмни на 1:1, а потоа Мила Коњановска со два гола во 80. и 83. минута ја потврди победата од 1:3.
Ржаничино забележа голема победа над Башкими во гости од 1:9.
Теодора Јанковска постигна шест гола, а по еден гол постигнаа Ангела Зафироска, Мила Ристовска и Мила Наумовска, а пак за домашниот тим единствен стрелец беше Фјола Авдиљи во 88. минута.
