Деветтото коло на Првата женска фудбалска лига донесе промени на табелата со што некои екипи напредуваа, а некои се спуштија некоја позиција подолу.
Љуботен останува на врвот од табелата со 23 бодови, веднаш зад лидерот е актуелниот шампион Скопје со 22 бодови, а пак Тиверија Брера е на третото место со 19 бодови, со што струмичанки скокнаа една позиција напред, но затоа, пак, Пелистер сега е четврти со 17 бодови.
Каменица Саса останува на петтото место по поразот од шампионот на домашен терен со 16 бодови на своето конто. Вардар влезе во победничка форма и се искачи на шестото место со десет бодови.
Истатов е седми и има девет бодови, а пак Ас Јунајтед заврши на осмото место со осум бодови.
Во бараж зоната како деветта е Речица со четири бодови, а на дното во зоната за испаѓање во Втора лига е Кочани со еден бод.
- ТАБЕЛА 9. КОЛО ПЖФЛ:
