Нов триумф за шампионот Проект кој преку пресврт славеше над повратникот во елитата СЕЕ Универисити во Тетово со резултат од 3:4 и го запиша вториот сезонски триумф за максимален ефект по две кола.
Домаќинот од старт покажа дека нема да биде со бело знаменце на теренот и дека ќе сака да го изненади бранителот на двојната круна, откако приреди почеток шок за тимот на Проект преку двојниот стрелец Исмет Цека, кој најпрво во 2. минута го отвори резултатот, а потоа во 9. минута ја дуплираше предноста.
По три минути Проект преку Наум Блажевски намали на 2:1, резултат со кој се замина на полувреме.
Во второто полувреме следуваше комплетен пресврт, а заслужен за тоа беше Трајче Димитриев кој постигна два гола во шест минути.
Димитриев најпрво во 28. минута го израмни резултатот на 2:2, во 34. минута Андреј Коцевски стрелаше за 2:3 и комплетен пресврт за Проект предводен од тренерот Игор Димов, а пак во 36. минута Димитриев со втор гол обезбеди предност од 2:4. Во самиот финиш од мечот Иса Ејупи беше прецизен за ублажување на поразот на конечни 3:4.
Поддржете ја Спортска Мрежа
Ако го поддржувате независното известување и промоцијата на македонскиот спорт, можете да ја поддржите нашата работа со симболична донација. Секоја поддршка ни значи и ни помага да создаваме нови спортски приказни.
