Новата сезона во Втората футсал лига на Македонија започна доста ефикасно со голем број на погодоци на сите натпревари.
Дербито во Штип меѓу поранешниот прволигаши заврши со победа за Мал Ајакс од 2:1 над Овче Поле. Во динамичен меч, домаќинот преку Ангел Белчовски дојде прв до водство од 1:0 во 10. минута, а само три минути подоцна Јорданче Јорданов погоди за 1:1 на полувреме.
Во вториот дел Мал Ајакс со голот на Стојан Коцев во 30. минута стигна до победа од 2:1.
Ланскиот прволигаш Балкан ја декласираше Победа со 23:1 во меч каде Пајтим Реџепи постигна седум гола, Фестим Балиќи пет погодоци, по два гола постигнаа Јусуф Сулејмани, Имер Ќамил, Ѓунум Сакиб, а пак Енис Реџеп, Адем Османи и Дамјан Герос по еден гол.
За прилепскиот тим во вториот дел погодија Мартин Наумов, Никола Трајкоски и Андреј Јолески.
Дебитантот Шутка 1 со пораз ја отвори новата сезона откако загуби на гостувањето кај Каршиака. Гостинот имаше предност од два гола на полувреме, а стрелци беа Несим Сулејмани и Реџеп Бислим, а пак во вториот дел следуваше комплетен пресврт со головите на Сеад Јакупи, Бујамин Асани, Хамза Садики и Фуркан Ќани.
Трите бодови останаа во Кочани откако Фудбал Старс ја доби голеадата со Кратово (6:5). Херој за домаќинот беше Трајче Маринковски со три гола, двоен стрелец беше Дејвид Иванов, а еден гол постигна Давид Тренчев.
За гостинот двапати погоди Драган Стефанов, а по еднаш Валентино Јовановски, Дамјан Ивановски и Давид Тоневски.
