Женската одбојкарска репрезентација на Македонија со пораз ги започна настапите на Медитеранските игри во Таранто, Италија, откако на стартот од групната фаза загуби од силната селекција на Турција.
Турчинките уште од самиот почеток ја презедоа контролата над натпреварот и не ѝ дозволија на Македонија да фати резултатски ритам. Првиот сет беше целосно во знакот на фаворитот, кој го доби со убедливи 25-4.
Во продолжението македонските одбојкарки успеаја да дадат поголем отпор, но Турција повторно беше поквалитетна. Вториот сет заврши со 25-16, додека во третиот нашата селекција освои 15 поени, но противникот со 25-15 стави точка на натпреварот за конечни 3-0.
Македонија е дел од групата Б, каде што до крајот на групната фаза ја очекуваат уште три натпревари.
Следниот предизвик за нашите одбојкарки е Косово на 24 август од 11:00 часот, а потоа следуваат дуелите со Грција на 26 август и Алжир на 27 август.
По овој голем пораз Македонија ќе има можност на следните натпревари да се покаже во подобро издание.
