Македонија вечерва во Луцерн ја очекува четвртиот натпревар во Лигата на нации, а Гоце Седлоски го одреди составот со кој ќе се обиде да дојде до првите бодови и првиот гол во новото издание од оваа натпреварување.
Во однос на претходниот дуел со Шкотска има неколку промени. Во стартните 11 се враќа Езѓан Алиоски, кој ќе ја покрива левата бековска позиција, додека Елмас овојпат ќе делува во поцентрална офанзивна улога.
Седлоски се одлучи за формација 4-2-3-1, со Растодер како најистурен во нападот. Зад него ќе бидат Елмас, Барди и Дориев, додека во средниот ред ќе играат Елези и Митровски.
Последната линија ја сочинуваат Стојчевски, Зајков, Муслиу и Алиоски, а на голот повторно ќе биде Столе Димитриевски.
МАКЕДОНИЈА: Димитриевски, Стојчевски, Зајков, Муслиу, Алиоски, Елези, Митровски, Елмас, Барди, Дориев, Растодер.
Од другата страна, Швајцарија на домашен терен влегува со максимален учинок, со три победи од исто толку натпревари.
ШВАЈЦАРИЈА: Мвого, Бритчги, Елведи, Аканџи, Родригеш, Фројлер, Сиеро, Соу, Ридер, Амдуни, Ндоје.
Натпреварот во Луцерн започнува во 20:45 часот.
