Тиквеш воопшто не се испоти за да се пласира во осминафиналето од Купот на Македонија, откако со 0:13 го декласираше третолигашот Крошу Спорт од Битола на Градскиот стадион во Неготино.
Реално, за очекување беше овој резултат, бидејќи прволигашот од Кавадарци има неколку класи разлика во квалитет, а за третолигашот Крошу Спорт едно искуство плус од овој Куп натпревар.
Мухамед Елмас по пет минути го отвори резултатот, до крајот на мечот Емануел Лавал постигна три гола заедно со Адешина Лукман Олувадамиларе, двојни стрелци беа Кристијан Ацковски и Ебубе Виздом Окере, а по еден гол постигнаа Ѓоко Спасов и Н’Фанли Сила.
Донирај за Спортска Мрежа и поддржи го независното известување за македонскиот спорт
Тиквеш им се приклучува на Струга Трим Лум, Пелистер, Македонија ЃП, Брера Струмица, Вардар, Башкими, Каменица Саса, Брегалница, Шкендија Арачиново, Скопје, Новаци, Беласица и Арсими, а последниот патник ќе го добиеме на 14 октомври со дуелот меѓу Вардар Неготино и Работнички.
Силекс како лански освојувач на Купот на Македонија има директен билет за осмифиналето.
