Прволигашот Арсими од Чегране претстави две засилувања за новата сезона, се работи за Лорик Каба Јакупи и за Салваторе Рибаудо.
Талентираниот млад крилен напаѓач Лорик Каба Јакупи доаѓа од тетовска Шкендија, каде што ги мина сите младински категории и заигра за сениорскиот тим. Зад себе има 57 настапи во дресот на Шкендија од кои 44 во шампионатот, седум во Купот на Македонија, со шест европски мечеви.
На фудбалските терени фудбалерот кој е роден 2006 година помина 1365 минути со еден гол и две асистенции.
Рибаудо е 21-годишен италијански крилен напаѓач, кој своите први фудбалски чекори ги направил во академијата на Палермо, а цели пет години бил дел од академијата на Парма.
За Италијанецот ова ќе биде враќање во македонскиот фудбал бидејќи претходно го носеше дресот на екс прволигашот Брера од Струмица.
