Шампионот Проект во еден ден претстави три нови засилувања, по промоциите на Андреј Коцевски и Кирил Неделков, тимот од Јосифово го претстави повратникот Никола Анчевски.
Популарниот Анче, кој има 22 години, повторно ќе го носи дресот на Проект, тој првиот пат во македонскиот шампион кој минатата сезона ја освои двојната круна пристигна во септември 2024 година.
Покрај за Проект, во македонскиот футсал има настапувано за Бутел, Железарец, како и за Велес. Анчевски има искуство и во големиот фудбал, кариерата ја започна во најтрофејниот македонскиот фудбалски клуб Вардар, беше дел и од Македонија ЃП, Борец и Еуромилк ГЛ, а дресот на „лисите“ го носи од август 2025 година.
Донирај за Спортска Мрежа и поддржи го независното известување за македонскиот спорт
Според информациите на Спортска Мрежа, деновите се очекува уште една „трансфер бомба“ со што Проект јасно става до знаење дека оди на одбрана на двојната круна, која минатата сезона беше освоен без ниту еден загубен натпревар со перфектен учинок – само победи.
