Вечерва се одигра големото дерби во Првата футсал лига меѓу актуелниот шампион Форца и поранешиот шампион Проект, кој е повратник во елитното натпреварување, откако дербито кое првично требаше да се одигра во саботата, беше одложено за денес, бидејќи салата во Куманово протече од обилните врнежи на дожд.
Форца со резултат од 2:1 вечерва се радуваше во првото меѓусебно соочување на овие две екипи, Проект поразен се враќа дома.
По само три минути игра искусниот Зоран Левески го отвори резултатот за водство на домашниот тим, а во 11. минута Берат Рамадани постигна гол за 2:0. На четири минути пред крајот на првиот дел Никола Анчевски постигна гол за 2:1 на полувреме.
Во вториот дел од натпреварот мрежите мируваа и на двете страни со што трите бодови останаа во Куманово, Форца запиша победа и останува непоразен лидер во Првата футсал лига на Македонија и го трасира патот кој својата цел – одбрана на титулата.
Одлична судиска арбитража на Марјан Младеновски, Дејан Младеновски и Филип Ицковски.
Колото ќе се комплетира утра со мечот во Крива Паланка каде ќе се соочат Осогово и Шкупи.
- ЦЕЛА ТАБЕЛА ВО ПРВАТА ФУТСАЛ ЛИГА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | КМФ ФОРЦА 2015 | 8 | 8 | 0 | 0 | 65 | 23 | +42 | 24 |
| 2 | КМФ ПРОЕКТ | 8 | 6 | 1 | 1 | 34 | 15 | +19 | 19 |
| 3 | КМФ ШКУПИ 1927 ДОО | 7 | 6 | 0 | 1 | 34 | 10 | +24 | 18 |
| 4 | КМФ ОСОГОВО 2022 Крива Паланка | 7 | 4 | 1 | 2 | 36 | 29 | +7 | 13 |
| 5 | КМФ ЖЕЛЕЗАРЕЦ | 8 | 3 | 0 | 5 | 19 | 37 | -18 | 9 |
| 6 | КМФ КЛИМИ Кавадарци | 8 | 2 | 2 | 4 | 35 | 34 | +1 | 8 |
| 7 | ФК ЦРНА РЕКА/КМФ | 8 | 1 | 2 | 5 | 27 | 39 | -12 | 5 |
| 8 | КМФ КЕГИ-МОБИ Велес | 8 | 1 | 2 | 5 | 21 | 53 | -32 | 5 |
| 9 | КМФ ЈУВЕНТУС СЕРАВА(-3) | 8 | 2 | 1 | 5 | 30 | 43 | -13 | 4 |
| 10 | КМФ БУТЕЛ 2022 | 8 | 0 | 3 | 5 | 18 | 36 | -18 | 3 |
