Без изненадувања во Купот на Македонија во женска конкуренција, фаворитите лесно обезбедија пласман во полуфиналето.
Тиверија Брера со 0:4 славеше во Драчево над Истатов, со што бранителот на Куп титулата продолжува во полуфиналето. Билјана Панеска во 7. минута го отвори резултатот, а само една минути подоцна Кристабел Опонг Одуро погоди за двојна предност, а пак во 15. минута Теона Галабовска погоди за 0:3.
Во вториот дел Галабовска постигна уште еден гол за конечни 0:4 и со што Тиверија Брера обезбеди полуфиналето, а Истатов заврши со настапите во Купот и ќе се фокусира само на првенството.
Пелистер со погодоците на Марија Стојановска во 8. минута и Михаела Марковска во 58. минута со 2:0 ја совлада Речица на домашен терен.
Каменица Саса го декласираше тимот на Кочани со убедливи 6:0, меч на кој капитенот Ана Димитровска постигна четири гола, а по еден гол постигнаа Туане Де Соуза Фрагосо и Јована Митева.
Љуботен пред домашната публика со 4:2 го доби Ас Јунајтед за пласман во полуфиналето. Улза Максути постигна хет-трик против својот поранешен клуб, а еден гол беше дело на Хава Мустафа.
За струшкиот тим погодија Кристина Мојсоска во 28. минута и Тамара Лазеска во 48. минута.
Со ждрепка меѓу Тиверија Брера, Пелистер, Љуботен и Каменица Саса ќе бидат формирани полуфиналните двојки.
