Македонскиот атлетичар Дарио Ивановски продолжува да испишува значајни резултати на меѓународната сцена, откако на вчерашниот маратон во Белград го освои одличното второ место.
Ивановски ја истрча трката со време од 2:09:35, што претставува негово второ најдобро остварување во кариерата. Со овој резултат, тој уште еднаш потврди дека е во врвна форма и дека припаѓа меѓу најдобрите маратонци во регионот.
Победата на маратонот му припадна на етиопскиот атлетичар Гемсиса Гада, кој триумфираше со време од 2:08:08, поставувајќи нов рекорд на патеката.
Овој успех за Ивановски е уште една потврда за неговиот континуиран напредок и посветеност, а воедно претставува и голем мотив за неговите следни настапи на меѓународните натпреварувања.
