Македонија утре го игра бараж дуелот против Данска на стадионот „Паркен“ кој е распродаден до последното седиште – историски меч на кој ќе бараме победа за обезбедување на финале во плеј-офот.
Селекторот Гоце Седлоски на денешната прес-конференција истакна дека Данска е силна, но во вакви натпревари детали одлучуваат, а како што вели селекторот верува оти имаме што да покажеме во Копенхаген.
„Ова е голем момент за сите нас. Имаме шанса да се бориме за место на Светско првенство и тоа е мотив што ја обединува целата држава. Данска е квалитетен и респектиран противник, но и ние сме тука со причина. Во тимот гледам енергија, концентрација и желба. Играчите го разбираат значењето на дресот и верувам дека тоа ќе го покажат на терен. Подготвени сме тактички, знаеме што сакаме да играме, иако одлуката за составот и формацијата останува кај мене. Ни недостасуваат одредени фудбалери, но тоа не го менува нашиот пристап. Данска е силна, но ние сме фокусирани на нашата игра. Во вакви натпревари деталите одлучуваат, а верувам дека имаме што да покажеме. Благодарност до навивачите за поддршката, тоа ни дава дополнителна сила“, рече селекторот Гоце Седлоски.
Доколку ја добиеме Данска во финалето од плеј-фото за место на Светското првенство ќе играме против подобриот од дуелот меѓу Чешка и Ирска.
