Кошаркарскиот клуб Пелистер продолжува со засилувањата за новите предизвици во сезоната. Нов член на битолскиот тим е српскиот интернационалец Никола Кочовиќ, искусен бек кој зад себе има настапи во неколку европски првенства.
Кочовиќ има 30 години и доаѓа од познатата кошаркарска школа во Чачак. Во досегашната кариера настапувал во Србија, Босна и Херцеговина, Црна Гора, Полска и Романија, стекнувајќи значајно меѓународно искуство. Пред да пристигне во Битола, тој настапуваше за српскиот Чачак и романска Орадеа.
Од Пелистер очекуваат искусниот бек да донесе дополнителен квалитет во играта на тимот и да му помогне во остварувањето на клупските амбиции.
Кочовиќ веќе му се стави на располагање на тренерот Тане Спасев и ќе биде во комбинација за претстојниот натпревар против Работнички, кој е закажан за во недела со почеток во 19:00 часот во спортската сала „Боро Чурлевски“ во Битола.
Со ангажманот на српскиот интернационалец, Пелистер добива уште една опција во бековската линија пред продолжението на сезоната.
