Капитенот на македонската фудбалска репрезентација, Енис Барди пред утрешниот меч против Данска од плеј-офот за пласман на Светското првенство потенцираше дека новите играчи се вклопиле одлично во тимот и дека атмосферата е нависоко ниво.
Барди, исто така нагласи дека ќе даде сè од себе за да ја направат Македонија горда.
„Добро ги анализиравме и ги подготвивме сите детали. Свесни сме против кого играме и што не чека, но и ние имаме свои адути. По претходните натпревари извлековме важни лекции и тие ни помогнаа да се подобриме како тим. Новите играчи се вклопија одлично и атмосферата во тимот е на високо ниво, функционираме како едно. Во вакви натпревари мотивацијата никогаш не недостасува. Потценувањето само дополнително нè мотивира. Поддршката од навивачите секогаш ја чувствуваме и ќе дадеме сè од себе да ги направиме горди“, вели капитенот на македонската репрезентација, Енис Барди.
Мечот меѓу Данска и Македонија се игра на „Паркен“ во Копенхаген.
