Денес во Кавадарци е игра дуелот меѓу Тиквеш и Силекс од 20. коло на Првата лига. Овој меч е исклучително важен за домашниот состав кој со триумф би можел да прогресира на табелата.
Тиквеш има добра серија на резултати, а голманот на кавадаречкиот прволигаш, Христијан Стевковски вели дека домашниот терен и убавата атмосфера секако дека треба да бидат нивна предност за да се стигне до позитивен резултат.
„Mислам дека и двете се добри екипи и дека ќе биде изедначена борба и нијанси ќе го одлучат овој дуел. Домашниот терен и убавата атмосфера секако дека треба да бидат наша предност и ќе ни помогне во остварувањето на позитивен резултат. Иако Силекс е една од поквалитетните екипи во нашето првенство мислам дека на денешниот дуел нема да биде лесно да земат бодови во Кавадарци. Особено доколку и ние бидеме на . Сконцентрирани деведесет минути и ги исполниме задачите зададени од нашиот тренер и ги искористиме шансите кои ќе ни се укажат. Имаме квалитет на секоја позиција , добра екипа и добра атмосфера и тоа го покажуваме константно. Убеден сум дека секој нареден натпревар ќе бидеме се подобри и подобри“ вели Стевковски во изјава за ФФМ.
