Екипата на Арсими денес на домашен терен ќе се соочи со Македонија ЃП во меч од 20. коло на Првата лига. По триумфот над Шкупи, тимот од Чегране сака нов триумф и со тоа да избие на петтото место на табелата.
Џезаир Авдули вели дека мотивацијата е на највисоко ниво пред денешниот меч со „лавовите“ од Ѓорче.
“По оваа важна победа, атмосферата во тимот е многу позитивна, а мотивацијата е на највисоко ниво. Работевме добро во текот на целата недела, со максимална концентрација и дисциплина, бидејќи знаеме дека не очекува квалитетен противник. Нашиот фокус е целосно на претстојниот натпревар. Сакаме да ја продолжиме позитивната серија, да покажеме карактер и да го дадеме максимумот на теренот. Целта ни е јасна, да ги освоиме трите бода и да продолжиме по патот кон целите што ги имаме поставено како екипа. Со посветеност, заедништво и поддршката од нашите навивачи, верувам дека можеме да го оствариме посакуваниот резултат”, рече Авдули во изјава за ФФМ.
Натпреварот меѓу Арсими и Македонија ЃП се игра денес со почеток од 14 часот на Градскиот стадион во Гостивар.
