Силекс денес гостува во Кавадарци каде ќе ги одмери силите со Тиквеш, во меч од 20. коло на Првата лига.
Силекс е сигурен на четвртото место, но имаат можност да се вмешаат за втората и третата позиција. По ремито на Струга со Вардар, избраниците на Александар Васоски ако денес слават во Кавадарци ќе дојдат на пет бода негатива од Струга која е трета.
Најдобриот стрелец на Силекс, Мартин Мирчевски вели дека секога и секаде против секако одат на победа, па така ќе биде и денес во Кавадарци против Тиквеш.
„Поразот од Шкендија не влијаеше негативно на нашиот тим, затоа што дојде против екипа која сезонава играше добро во Лигата на Конференции, а друга работа беа условите за игра, и мислам дека нема аргументи за замерка. Понекогаш на такви натпревари треба да те посака и среќа, а нас на тој меч не нѐ посака. Сега се фокусираме на мечот со Тиквеш, и нормално е дека бараме победа. Секогаш и секаде против секого одиме на победа. Секоја екипа си има предности и слабости, наша работа е да ги пронајдеме слабостите на Тиквеш, и да ги искористиме и да дадеме се од себе да ги освоиме бодовите“, изјави Мирчевски.
