Од денес започна продажбата на билети за натпреварите од второто коло во ЕХФ Европскиот Куп, во кои ГРК Охрид ќе се соочи со азербејџанскиот претставник РК Баки. Двата натпревари ќе се одиграат во салата „Билјанини извори“ на 11 и 12 октомври, со почеток од 18:00 часот.
Навивачите можат да ги набават билетите онлајн преку платформата mktickets.mk, а исто така ќе бидат достапни и на билетарата при СРЦ „Билјанини извори“ во деновите 10, 11 и 12 октомври.
Важно е да се напомене дека сезонските билети нема да важат за натпреварите од ЕХФ Европскиот Куп.
Охридските „гладијатори“ се надеваат на голема поддршка од трибините и полни „Билјанини извори“ во обид да обезбедат пласман во следната рунда од европското натпреварување.
